ឈូកបី

បទុមជាតិតូចទាបនៅក្នុងបឹង

ដើមមាំរឹងប្រកបដោយបន្លា

ស្លឹកកំពាងស្រូបយកសែងសុរិយា

ថែមមានផ្កាពិដោរក្រអបសាយ។

នៅនាបឹងសព្វសត្វរស់មូលមីរ

ប្រឹងចិញ្ចឹមជីវីរាល់រាងកាយ

រស់តាមភព្យគ្រប់ខ្វះទុក្ខសប្បាយ

ហត់នឿយណាយគឺរស់ព្រោះជីវិត។

មានឈូកបីនិស្ស័យជាប់ខុសគ្នា

ទីមួយជាដើមឈូកភក់កប់ដិត

ពុំយល់ថ្ងៃសូរ្យសែងព្រះអាទិត្យ

យប់ងងឹតឥតដឹងឥតប្រួលប្រែ។

ទីពីរជាដើមឈូកត្រឹមផ្ទៃទឹក

ជាដើមឈូកនាំដឹកដោយភក់ដែរ

តែសង្ឃឹមយល់ថ្ងៃអាចបំបែរ

ស្គាល់ពន្លឺហូរហែពឹងវេលា។

ទីបីជាដើមឈូកលើផ្ទៃទឹក

អាចនាំដឹកខ្លួនឯងស្គាល់មាគ៌ា

យល់ពន្លឺសូរ្យសែងអភិវឌ្ឍជា

បទុមាកបកាយក្រអបឯង៕—S. TAY, 22:45-23:35, Sun, 12/07/11